Rocky road со парчиња Плазма

1. Чекор

Пенестите бонбони, ако се големи, исечкајте ги на парчиња не поголеми од 6-7 мм. Плазмата дробете ја на парчиња со различна големина. Не ги дробете премногу. На бонбоните и Плазма-та додадете ги сечканите лешници или бадеми и кокосот, и измешајте се заедно.

2. Чекор

Подгответе помал плех, со димензии околу 15 х 25 цм и обложите го со хартија за печење.

3. Чекор

а пареа стопете ги во ист сад двата вида на чоколадо и кондензираното млеко. Смесата ќе биде многу густа. Веднаш истурете ја преку исечканите состојки и измешајте добро. Важно е да бидете брзи бидејќи чоколадната смеса се стега брзо поради кондензираното млеко. Густата леплива смеса истурете ја на подготвениот плех и со мокра лажица распоредете во еден рамномерен слој. Ставете во фрижидер на 1 до 2 часа, исечете коцки и послужете.

4. Чекор

Вашиот десерт е готов!