Тирамису со Плазма и боровинки

1. Чекор

Слатката павлака изматете ја во шлаг со миксер. Додадете шеќер и маскарпоне сирење и матете уште малку додека маскарпонето не стане кремасто. Подгответниот крем ставете го во фрижидер додека го подготвувате сирупот од боровинки.

2. Чекор

Боровинките, шеќерот и водата ставете ги во тенџере и ставете на силен оган да зоврие, а потоа намалете го огнот максимално и оставете да се крчкаат уште 20 минути.

3. Чекор

Во една чинија ставете густин и малку ладна вода и растворите добро. Растворениот густин додадете го во сирупот од боровинки и мешајте додека сирупот не згусне, а потоа тргнете од оган за да се олади.

4. Чекор

Стоплете го млекото и во него натопете Плазма и наредете ги на дното на тепсијата. Над нив ставете прв слој од кремот и половина од сирупот од боровинки. Над него додадете уште еден ред Плазма натопени во млеко, и остатокот од сирупот од боровинки и потоа втор слој од кремот.

5. Чекор

Тирамису-то посипете го со бадемови снегулки и оставете во фрижидер до послужување.

6. Чекор

Вашиот десерт е готов!