Balkanska domaćica - Плазма малина торта

1. Чекор

Најпрвин замесете тесто за корите. Изматете 4 белки со 4 лажици шеќер за да се добие цврста пена.

2. Чекор

Додадете ги оревите, брашното, прашокот за пециво и полека соединете со шпатула. Истурете ја смесата во калап со дијаметар 26 цм, претходно обложен со хартија за печење и ставете го да се пече.

3. Чекор

Времето на печење е 13-15 минути во претходно загреана рерна на 200 степени. На ист начин подготвувате и печете уште две кори за да добиеме вкупно 3.

4. Чекор

Изматете 12 жолчки со 10 лажици шеќер, 2 пудинзи од ванила и 100 мл млеко за да се соединат убаво.

5. Чекор

Во тенџере сипете 700 мл млеко и ставете го да зоврие и кога ќе зоврие додадете ги матените жолчки и пудинг и гответе додека не згусне. Кога ќе биде готово тргнете од оган, покријте со фолија и оставете да се лади до собна температура.

6. Чекор

Изматете 250 г маргарин со 100 г шеќер во прав и потоа додадете го претходно подготвениот оладен фил, соединете потоа додадете 150 г Мелена Плазма и се добро изматете со миксер. Кога ќе завршиме првиот фил ни е готов.

7. Чекор

Подгответе го вториот фил. Изматете кратко со миксер 200 мл слатка павлака со 200 г кисела павлака. Додадете 150 г Мелена Плазма и 100 мл млеко и соединете. Со тоа го имаме и вториот фил.

8. Чекор

На чинијата во која ја филуваме тортата ја ставаме првата кора. Над првата кора намачкајте 1/3 од првиот фил. Над филот наредете 300 г малини и намачкајте со половина од другиот фил. Над плазма филот ставете ја втората кора и повторете ја постапката на филување. На крај ставете ја третата кора и намачкајте ја тортата одозгора и од страните со останатиот фил.

9. Чекор

Ставете ја тортата на ладење во фрижидер.

10. Чекор

Изматете 180 г шлаг крема според упатството од кесичката и украсете ја тортата по желба, потоа послужете.