Chica shtikla kashika - Посни Плазма ореви

1. Чекор

Измијте ги урмите и потопете ги во вода 10 минути за да се излупат полесно. Извадете ги семките и исечкајте ги колку што можете поситно за полесно да се стопат во вода која врие.

2. Чекор

Во едно тенџере соединете ги маргаринот, шеќерот и водата. Оставете да зоврие на тивок оган мешајќи постојано додека не се растопат сите состојки.

3. Чекор

Исечканите урми додадете ги во зовриената смеса и мешајте додека не се стопат урмите (доколку останало лушпа од урмите, потребно е течноста да се исцеди).

4. Чекор

Во еден сад соединете ја стопената смеса, мелените ореви и посната Мелена Плазма. Измешајте се заедно и додадете арома од рум и ванила. Кога сите состојки ќе се соединат во компактна смеса ставете ја во фрижидер 30 минути.

5. Чекор

Стопете го црното чоколадо и ставете го во слаткарска кеса за декорирање.

6. Чекор

Од изладената смеса направете топчиња колку едно мало топче. Металниот калап за ореви обложите го со најлонска фолија за оревите да се вадат полесно од калапот. Во калапот ставете го топчето од смесата и стиснете полека. Повторете ја постапката се додека не се потроши подготвената смеса.

7. Чекор

Поврзете ги оревите со стопено чоколадо. Обликуваните и оладените ореви стиснете ги со чепкалка за да добијат избразден изглед на орев. На здравје!