Za svačiji ukus - Ролат со Плазма и банани

1. Чекор

Во 300 г Мелена Плазма додадете истопен маргарин и 3 лажици чоколаден крем, измешајте убаво, и потоа додадете млеко.

2. Чекор

Замесете добро компактна смеса, а потоа оставете во фрижидер да отстои 10-15 мин додека го подготвите филот.

3. Чекор

За филот прво изматете ги со миксер крем сирењето и шеќерот во прав. Одвоено изматете ја слатката павлака, а потоа соединете ги двата фила заедно и измешајте добро со шпатула.

4. Чекор

Подготвената подлога извадете ја од фрижидер и развлечете ја на работна површина со најлонска фолија. Раширете го тестото за подлога на фолија, а потоа развлечете со сукало во форма на правоаголник.

5. Чекор

Намачкајте од подготвениот фил преку подлогата, а потоа на долгиот крај ставете две банани.

6. Чекор

Oлека со помош на фолијата завиткајте ролат како што е покажано на снимката и заедно со фолијата ставете го во фрижидер на најмалку 3 часа, најдобро преку ноќ.

7. Чекор

Кога ролатот ќе се олади, извадете го од фолијата, посипете со какао во прав и декорирајте по желба.