Мрзлива пита со Плазма и јаболка

1. Чекор

Во сад со средна величина измешајте брашно, Мелена Плазма, цимет и прашок за пециво.

2. Чекор

Во друг поголем сад изматете ги во пена маста со шеќерот, а потоа додадете ги јајцата и се добро соединете. На крај постепено додадете ги измешаните суви состојки и се добро изматете за да добиете хомогоена смеса. Садот покријте го со најлонска фолија и ставете го во фрижидер 30 минути.

3. Чекор

Исперете ги јаболката, исушете ги и излупете ги. Исечете ги на половина и отстранете им го средниот дел со семки, а потоа исечете ги на поголеми коцки.

4. Чекор

Путерот ставете го во поголемо тенџере и стопете го на среден оган. Додадете ги јаболката шеќерот, сокот од лимон и изренданата кора и гответе полека додека сокот од јаболката не испари, а потоа тргнете од оган.

5. Чекор

Загрејте ја рерната на 180°C.

6. Чекор

Подгответе го плехот за печење така што ќе го намачкате со малку путер или маст. Извадете го тестото од фрижидер и поделете го на два дела.

7. Чекор

Со едниот дел обложите го плехот и рамномерно сипете го филот над тестото.

8. Чекор

Другата половина од тестото ставете го на поголема хартија за печење и со сукало развлечете го во димензиите на плехот.

9. Чекор

Со виљушка прободете го тестото и полека со помош на хартијата за печење ставете го преку филот од јаболка.

10. Чекор

Тргнете ја хартијата за печење и питата ставете ја да се пече 40-45 минути. Извадете ја од рерна и оставете да се олади, а потоа исечете ја на коцки и посипете со шеќер во прав.

11. Чекор

Вашиот десерт е подготвен!