Пита Плазма

1. Чекор

Стопете го путерот за премачкување на корите и оставете го да се олади. Пуштете ја рерната да се загрее на 180°C. Подгответе округла тепсија.

2. Чекор

Исечкајте ги бадемите во мултипрактик, и додадете Мелена Плазма, омекнатиот путер, кафеавиот шеќер, јајцето, сокот од портокал и се добро соедините додека не добиете компактен фил. Ако ви изгледа сув, додајте уште малку сок од портокал. Чоколадото исечкајте го на ситни коцки и додајте го во филот.

3. Чекор

Најдобро е питата да ја виткате на маса бидејќи ќе ви треба простор. Наредете три кори една до друга со по кратката страна свртена накај вас, но да се преклопуваат 3-4 цм.

4. Чекор

Намачкајте ги потполно со стопениот путер со помош на четка, и преку додајте уште три други кори, пак намачкајте со путер и ова повторете го уште два пати.

5. Чекор

На последниот ред од кори оди филот. Ставете фил на работ на долгата страна која е до вас. Можете да ги намокрете рацете со вода за полесно да ги распоредувате и обликувате корите во еден долг, тенок црв.

6. Чекор

Кога ќе го распоредите филот, завиткајте ја питата, и замотајте ја во спирална форма. Ако некаде пукне, земете една додатна кора од пакувањето и скинете дел, залепете над пукнатината и намачкајте со стопен путер.

7. Чекор

Завитканата пита ставете ја на хартија за печење и се заедно ставете во округла тепсија. Питата намачкајте ја добро со стопен путер од сите страни. Ставете во рерна да се пече околу 25 минути или додека да добие златна боја. Извадете од рерна, оставете да се олади, потоа исечете и послужете.

8. Чекор

Вашиот десерт е готов!