Плазма торта со чоколадо и шумско овошје

1. Чекор

Загрејте ја рерната на 180°C.

2. Чекор

Два кружни калапи со дијаметар 18 цм обложите ги со хартија за печење и оставете ги на страна.

3. Чекор

Одвојте ги белките од жолчките и изматете ги во цврста пена. Во посебен сад изматете ги жолчките со маслото и шеќерот колку да се соединат, а потоа додајте Мелена Плазма, какао во прав и млеко и се соедините во една мазна смеса.

4. Чекор

Подготвената смеса додадете ја во изматените белки и измешајте полека за се добро да се соедини. Смесата рамномерно поделете ја во калапите кои сте ги подготвиле претходно и ставете во рерна на 25-30 минути.

5. Чекор

За да проверите дали се испечени корите, избодете со чепкалка во средина на кората, Ако чепкалката е сува кога ќе ја извадите, кората е готова. Испечените кори извадете ги од рерна и ставете ги на жица за ладење. Кога потполно ќе се оладат извадете ја хартијата за печење и исечете ги попречно така што од две ќе добиете четири кори.

6. Чекор

Додека корите се ладат подгответе го чоколадниот фил. Слатката павлака загрејте ја до вриење, тргнете од оган и додадете скршено чоколадо и путер. Оставете да отстои минута-две, и потоа со дрвена лажица измешајте за да добиете потполно мазна поретка смеса. Оставете ја да се олади на собна температура, а потоа со жица изматете за смесата да добие волумен и стане погуста. Додадете сечкана Плазма Чоко и оставете на страна.

7. Чекор

Слатката павлака изматете ја во цврст шлаг и додадете Мелена Плазма и павлака. Одвојте 4 лажици во посебна чинија и измешајте со шумското овошје.

8. Чекор

Кога ќе биде се спремно во чинија ставете лажичка од филот за премачкување на тортата за да се осигурете дека тортата нема да мрда и почнете да редите: кора, пола чоколаден фил, втора кора, фил за премачкување на тортата, овошен фил, трета кора, втор дел од чоколадниот фил и на крај четвртата кора. Тортата обложите ја со филот за премачкување, а остатокот ставете го во шприц кеса со ѕвездест додаток за да ја украсите тортата. Потоа тортата ставете ја во фрижидер 30 минути за да се олади.

9. Чекор

За тоа време подгответе глазура. Слатката павлака ставете ја да зоврие и тргнете од оган потоа додадете го скршеното чоколадо. Оставете минута-две да отстои и потоа измешајте за да добиете глазура со потполно мазна текстура. Глазурата оладете ја на собна температура и прелијте ја преку оладената торта. Кога глазурата ќе се стегне украсете ја тортата со филот кој го ставивте во шприцот и Плазма Чоко.

10. Чекор

Вашиот десерт е готов!